Chardonnay
Chardonnay is een van die kenmerkende kultivars van die Burgundy streek in Frankryk en is ook een van die prominente komponente in Champagne. Chardonnay beslaan ongeveer 7.16% van die wit kultivars in Suid Afrika.
Chenin Blanc
Chenin Blanc is een van die eerste twee kultivars was in Suid Afrika aangeplant is in die middel 1900’s. Dit is een van die mees veelsydige kultivars en word vir ‘n verskeidenheid produkte gebruik. Chenin Blanc beslaan ongeveer 18.22% van die wit kultivars in Suid Afrika.
Moscato
Moscato is wel bekend as ‘n aromatiese kultivar en word gereëld in ‘n soet styl vervaardig. Dit is ook sinoniem met nagereg wyne. Moscato beslaan ongeveer 1.23% van die wit kultivars in Suid Afrika.
Sauvignon Blanc
Sauvignon Blanc is een van die mees bekende kultivars in Suid Afrika. Die geure is ‘n wonderlike balans tussen groen geure en tropiese vrugte. Sauvignon Blanc beslaan ongeveer 9.39% van die wit kultivars in Suid Afrika.
Viognier
Viognier is een van die min Rhône wit kultivars en is baie bekend as ‘n versnit saam met Shiraz. Dit word al meer populêr in Suid Afrika. Viognier beslaan ongeveer 0.85% van die wit kultivars in Suid Afrika.
Wit Versnit
‘n Versnit is ‘n vermenging van twee of meer kultivars om ‘n nuwe wyn te skep. Versnitte kan geskei word in verskeie style, toegeken tot die kultivars wat in daardie versnit gebruik word. Wit Bordeaux-styl versnitte bestaan uit: Sauvignon Blanc en Sémillon. Wit Rhône-styl versnitte bestaan uit: Marsanne, Rousanne, Viognier en Grenache Blanc. Nuwe wêreld-styl versnitte is versnitte wat nie binne enige konvensionele versnit styl val nie, deur unieke verhoudings tussen kultivars te ondersoek, en daarom nie die benaming van ‘n spesifieke styl kan aanneem nie.